Tuesday, January 26, 2010

కొరియా కబుర్లు: నాలుగు నాళ్ళ అతిధి - లీ మ్యుంగ్ బక్

మన దేశానికి రిపబ్లిక్ డే అతిధిగా కొరియా రాష్ట్ర పతి లీ మ్యుంగ్ బక్ వచ్చిన సంగతి అందరికీ తెలిసినదే. ఆవిషయం వినగానే ఒక్కసారిగా నా కొరియా రోజులు నెమరుకు రావడం జరిగింది. నేనక్కడ ఉన్నప్పుడు శ్రీ లీ సియోల్ మేయర్ గా ఉండేవాడు. ఆయన పేరు చెప్పగానే నాకు గుర్తొచ్చేది జ్యోంగ్యిచియోన్ (Cheonggyecheon) కాలవ.  ఇది సియోల్ సిటీ హాల్ దగ్గరనుండి 10 కిమీ పైన ప్రవహిస్తుంది. దాని ఒడ్డున నడుచుకుంటూ పోవడం ఒక అనుభవం.  దీంట్లో గొప్పేముంది అంటారా.  ఈకాలవ పాతకాలం లో ఉండేది.  తర్వాత రోజుల్లో అభివృధ్ది పథంలో కాలవని మూసేసి, ఫ్లైఓవర్లు కట్టేయడం వల్ల అక్కడ ఓ కాలవ ఉండేదన్న విషయమే జనాలు మరచి పోయారు.  లీ మేయరుగా పోటీచేసినప్పుడు చేసిన వాగ్దానాలలో ఈకాలవ పునరుద్ధరణ ఒకటి.

ఎక్కడ చూసినా నీతిమాలిన రా.నా.లే ఉన్న లోకంలో పదవిలోకొచ్చి తన వాగ్దానాలని నెరవేర్చిన ఘనత శ్రీ లీ దే అయుండచ్చు. ఈకాలవ సియోల్ నగరానికి కొత్త శోభని తీసుకురావడంతో పాటు, ఒక సాంస్కృతిక కూడలిగానూ, పర్యావరణ పునరుద్ధరణ కృషికి సంకేతంగానూ శోభిల్లుతోంది.  నాస్నేహితుడితో పాటు నేను సుమారు 3 కిమీ నడిచా. అప్పుడు తీసిన కొన్ని జ్ఞాపికలు ఇక్కడ ఇస్తున్నా. 

3 comments:

  1. డోక్సాను లో నేను ఉండినచోట కూడా ఓ కాలువ ఉండేది. ఆ కాలువ పేరూ ఇలానే ఉండేది. ఇదేనేమో, అదీ తెలీదు. మేము వీలు దొరికినప్పుడల్లా, ఆ కాలువపక్క నడుచుకుంటూ వెళ్ళేవాళ్ళం.

    ఫోటోలు బావున్నాయి.

    ReplyDelete
  2. చాలా బాగున్నాయి.

    ReplyDelete
  3. చాలా బాగున్నాయి.

    ReplyDelete

దయచేసి మీ అభిప్రాయాలు, దీవెనలూ తెలపండి.